1. Loan lak na ah guarantor ah ka tang duh a, engtia tih tur nge?

 Ans: Guarantor a tan hi DHS hriatpuina a ngai a, CMO office ah LPC i rawn dil anga, chumi LPC keng chuan DHS lamah No Objection Certificate i zuk la anga, chumi keng chung chuan CMO Office lamah lehkha sign ngai ho i rawn sign tir ang.

2. Ka hlawh lakna bank account ka thlak duh a, engtia tih chi nge?

Ans: I hlawh lak mekna bank ah kalin Loan emaw rulh laklawh lai engmah i neilo tih hriatpuina lehkha i va la anga, chumi keng chuan application blank paper ah i rawn ziak anga, kan lo thlaksak ang che.

3. Earned Leave lak ka ngai, tihdan ka thiam lo.

Ans: Earned Leave form hi office ah kan kawl a, chumi chu a tul ang te i fill up zawh hunah in reporting officer (MO or CHO i/c) te i rawn forward tir anga, CMO hnenah a rawn lut ang. (Earned Leave form hi Officer leh Officer lo hman tur a awm hrang)

4. Ka hlawh hi a lo lut ve lo, sms pawh ka dawng lo reng reng.

Ans: SMS a hlawh luh leh luh loh hi a rintlak em em lo a, I hlawh a lut lo ni a i hriat chuan I bank passbook update tir in a chiang ber a, tin ATM ah mini statement a en theih a, tunlai apps lar tak tak gpay te, yono atang te pawh in balance te hi a en theih bawk ani. Hetiang a i check a, a lut lo ngei anih chuan i passbook updated nen khan lo kal la, hma kan lo lakpui ang che.

5. Thla hmasa aiin ka hlawh hi a tlem daih/ a tam daih.

Ans: Hlawh hi a danglam ve fova, increment kan hmuh vang te, kan GPF subscription kan tih danglam vang te, Kan loan rulh emaw, GPF advance kan rulh dan a zir te emaw, a siamtu te lam tihsual vang etc. ten a danglam ve fo thin. A lo luh tlem kan buaipui ang chiah hian a luh tam pawh hi buaipui angai, a dik lo a lo lut tam anih chuan kan rulh leh ngei ngei angai a, phurrit kan insiam mai mai ani. Chuvang chuan hetiang ang lut tam emaw lut tlem emaw harsatna kan nei anih chuan a rang thei ang bera Office lama rawn in report vat thin tur.